Washington DC: जेट विमानाची लष्कराच्या हेलिकॉप्टरला धडक, राजधानीतील विमान वाहतूक काही काळासाठी थांबवली

अमेरिकेतील रोनाल्ड रेगन वॉशिंग्टन राष्ट्रीय विमानतळाजवळील पोटोमॅक नदीत एक प्रवासी जेटची लष्करी हेलिकॉप्टरशी धडक झाल्याचे वृत्त आहे. एएफपीने व्हाईट हाऊसच्या हवाल्याने या घटनेची माहिती दिली आहे.

CCTV footage from the Kennedy Center in Washington DC allegedly shows the moment a plane crashed into a helicopter during landing at Reagan International Airport pic.twitter.com/9sVqnfXH46

— RT (@RT_com) January 30, 2025

व्हाइट हाऊसच्या म्हणण्यानुसार, बुधवारी रात्री व्हर्जिनियातील आर्लिंग्टन येथील रेगन राष्ट्रीय विमानतळावरील सर्व उड्डाणे थांबवण्यात आली. एका लष्करी ब्लॅक हॉक हेलिकॉप्टरची एका प्रादेशिक जेटशी टक्कर झाल्यानंतर ही उड्डाणे थांबवण्याचा निर्णय घेण्यात आला आहे.

या घटनेनंतर व्हाइट हाऊसच्या प्रेस सेक्रेटरी कॅरोलिन लेविट यांनी सांगितलं की, राष्ट्राध्यक्ष डोनाल्ड ट्रम्प यांनी परिस्थितीची माहिती घेतली आहे. त्यांनी पुढे सांगितलं की, ‘दुर्दैवाने असे दिसते की एका लष्करी हेलिकॉप्टरची एका खासगी जेटशी टक्कर झाली’.

वॉशिंग्टन अग्निशमन विभागाच्या म्हणण्यानुसार, बचाव कार्य सुरू असून अनेक अग्निशमन नौका घटनास्थळी उपस्थित आहे.

काही माध्यमांनी दिलेल्या वृत्तानुसार, विमानतळाजवळ अमेरिकन एअरलाइन्सच्या फ्लाइट 5342 आणि ब्लॅक हॉक हेलिकॉप्टरमध्ये टक्कर झाली.

सोशल मीडियावरील व्हिडिओंमध्ये रेगन विमानतळावर लँडिंग दरम्यान विमान हेलिकॉप्टरला धडकल्याचे दृष्य व्हायरल झाले आहे.

डीसी फायर अँड ईएमएसने सोशल मीडियावरील निवेदनात घटनेची पुष्टी केली असून, घटनास्थळी अग्निशमन दलाच्या गाड्या तैनात करण्यात आल्या आहेत.

Confirmed small aircraft down in Potomac River vicinity Reagan National Airport. Fireboats on scene. #DCsBravest

— DC Fire and EMS Department (@dcfireems) January 30, 2025