भयंकर! मुलांसमोर आईवर बलात्कार, मग अ‍ॅसिड फेकून आरोपी फरार

आसाममधील कचार जिल्ह्यातून एक धक्कादायक घटना समोर आली आहे. एका नराधमाने शेजारी राहणाऱ्या 30 वर्षीय महिलेवर तिच्या मुलांसमोर बलात्कार केला. यानंतर आरोपीने महिलेवर ॲसिड फेकून पळ काढला. कच्छर जिल्ह्यातील ढोलाई पोलीस स्टेशनला या घटनेबाबत तक्रार दाखल करण्यात आली असून पोलीस आरोपीचा शोध घेत असल्याचे समजते.

पोलिसांनी दिलेल्या माहितीनुसार, आरोपी 28 वर्षीय ड्रायव्हर असून तो कुटुंबाचा शेजारी आहे. गेल्या बुधवारी 22 जानेवारी रोजी ही घटना घडल्याचे पोलिसांनी सांगितले. आरोपी अचानक महिलेच्या घरी घुसला. यावेळी महिला आणि तिची दोन मुलेच घरात होती. या मुलांसमोरच आरोपीने महिलेवर बलात्कार केला. यानंतर महिलेवर ॲसिड फेकून घटनास्थळावरून पळ काढला. काही वेळाने महिलेचा नवरा घरी आला तेव्हा महिला हातपाय बांधलेल्या अवस्थेत त्याला दिसली. यासंदर्भात महिलेच्या नवऱ्याने पोलिसात तक्रार दाखल केली.

दरम्यान, महिलेला सिलचर मेडिकल कॉलेज आणि हॉस्पिटलमध्ये दाखल करण्यात आले असून तिची प्रकृती चिंताजनक असल्याचे सांगण्यात येत आहे. ही घटना 22 जानेवारी रोजी घडली असून दुसऱ्या दिवशी गुन्हा दाखल करण्यात आला असल्याचे पोलिसांनी सांगितले. सध्या पोलीस फरार आरोपीचा शोध घेत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.