सौदी अरेबियामध्ये भीषण अपघातात 9 हिंदुस्थानी नागरिकांचा मृत्यू

सौदी अरेबियामध्ये बुधवारी एक भीषण अपघात झाल्याची घटना घडली आहे. या अपघातात 9 हिंदुस्थानीयांचा मृत्यू झाल्याचे समोर आले आहे. या घटनेबाबत हिंदुस्थानच्या वाणिज्य दूतावासाने माहिती दिली आहे. परराष्ट्र मंत्री एस जयशंकर यांनी शोक व्यक्त केला असून हिंदुस्थानी दूतावासाने पीडित कुटुंबाला सर्वतोपरी मदत करण्याचे आश्वासन दिले आहे.तसेच मृतांच्या कुटुंबियांच्या संपर्कात असल्याचेही स्‍पष्‍ट केले आहे.

We deeply mourn the tragic loss of 9 Indian nationals in a road accident, near Jizan, in the Western Region of the Kingdom of Saudi Arabia. Our heartfelt condolences to the families affected. The Consulate General of India in Jeddah is providing full support and is in touch with…

— India in Jeddah (@CGIJeddah) January 29, 2025

या घटनेबाबत हिंदुस्थानच्या वाणिज्य दूतावासाने एक्सवर ट्विट केले आहे. त्यात, सौदी अरेबियाच्या पश्चिम विभागातील जिझानजवळ झालेल्या या रस्ते अपघातात 9 हिंदुस्थानी नागरिकांच्या या दुर्देवी मृत्यूबद्दल आम्ही पीडित कुटुंबांप्रती मनापासून शोक व्यक्त करतो.पुढे लिहीले की, जेद्दाहमधील हिंदुस्थानच्या वाणिज्य दूतावास पूर्ण मदत करत आहेत. तसेच आमचे अधिकारी त्या कुटुंबियांच्या संपर्कात आहेत. आम्ही जखमींच्या लवकरात लवकर बरे होण्यासाठी शुभेच्छा देतो. या संदर्भात अधिक माहितीसाठी एक विशेष हेल्पलाइन देखील सुरू केली आहे.

Grieved to learn of this accident and the loss of lives. Spoke with our Consul General in Jeddah, who is in touch with the concerned families. He is extending fullest support in this tragic situation. https://t.co/MHmntScjOT

— Dr. S. Jaishankar (@DrSJaishankar) January 29, 2025

परराष्ट्र मंत्री एस जयशंकर यांनी या घटनेबाबत एक्सवर तीव्र दु:ख व्यक्त केले आहे. या अपघाताबद्दल आणि जीवितहानीबद्दल जाणून घेतल्याबद्दल दुःख झाले. जेद्दाहमधील वाणिज्य दूतावासाशी संपर्क झाला आहे. येथील वाणिज्‍य दुतावास दुर्घटनाग्रस्‍तांच्‍या कुटुंबांच्या संपर्कात आहेत. दुःखद परिस्थितीत पूर्ण मदत करत आहेत, असे त्‍यांनी आपल्‍या X पाेस्‍टमध्‍ये म्‍हटले आहे.