जीबीएस रुग्णांसाठी सरकारी रुग्णालयांत स्पेशल वॉर्ड

गुईलेन बॅरे सिंड्रोमच्या (जीबीएस) रुग्णांवर उपचार करण्यासाठी राज्यातील सरकारी रुग्णालयांमध्ये विशेष वॉर्डची व्यवस्था करण्यात येणार आहे. तशा सूचना मुख्यमंत्री देवेंद्र फडणवीस यांनी आज दिल्या.

मुख्यमंत्री देवेंद्र फडणवीस यांनी राज्य मंत्रिमंडळाच्या बैठकीत या आजाराबाबत आढावा घेतला. आरोग्य विभागाच्या वतीने यावेळी या आजाराबाबत सादरीकरण करण्यात आले. या आजारावर केले जाणारे उपचार महात्मा जोतिबा फुले जन आरोग्य योजनेत समाविष्ट आहेत. अजून काही प्रक्रिया करायची असल्यास सार्वजनिक आरोग्य विभागाच्या वतीने करावी, अशा सूचना मुख्यमंत्र्यांनी दिल्या.

पुण्यात 111 रुग्ण

पुण्यात सध्या जीबीएसचे 111 रुग्ण आहेत, 80 रुग्ण पाच किमीच्या परिघातील आहेत. 35 हजार घरे आणि 94 हजार नागरिकांच्या चाचण्या घेण्यात आल्या आहेत. चाचणी घेण्यासाठी नॅशनल इन्स्टिटय़ूट ऑफ व्हायरॉलॉजी यांची मदत घेतली जात आहे. एक मृत्यू झाला तो अद्याप जीबीएसमुळेच झाला याची अजून पुष्टी झालेली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.