वरंधा घाटात कार दरीत कोसळली, एकाचा मृत्यू; 8 जण जखमी

महाडहून भोरच्या दिशेला जाणारी कार पुण्यातील वरंधा घाटात दरीत कोसळली. या अपघातात एका तरुणाचा मृत्यू झाला तर आठ जण जखमी झाले आहेत. शुभम शिर्के (22) असे मयत तरुणाचे नाव आहे. सोमवारी पहाटे चारच्या सुमारास हा अपघात झाला.

मिळालेल्या माहितीनुसार, कारमधील सर्वजण पुण्यातील रहिवासी असून कात्रजमधील एका कंपनीत कामाला होते. सर्वजण रत्नागिरीतील गणपतीपुळे येथे पिकनिकला गेले होते. पिकनिकहून परतत असताना वरंधा घाटात उंबर्डेवाडीजवळ अवघड वळणावर कार 100 फूट दरीत कोसळली.

मंगेश गुजर (26), आशिष गायकवाड (29), सिद्धार्थ गंधणे (26), सौरभ महादे (22), गणेश लवंडे (27), अमोल रेकीणर (27), यशराज चंद्र (22) आणि आकाश आडकर (25) अशी जखमींची नावे आहेत.

अपघाताची माहिती मिळताच भोर पोलीस आणि सह्याद्री बचाव पथकाने घटनास्थळी दाखल होत बचावकार्य सुरू केले. सर्व जखमींना दरीतून बाहेर काढून भोर उपजिल्हा रुग्णालयात उपचारासाठी दाखल केले. तर शुभमचा मृतदेह शवविच्छेदनासाठी पाठवला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.