जाड्या बोलला म्हणून अल्पवयीन मुलाकडून मित्रावर हल्ला, जखमी मुलावर उपचार सुरू

जाड्या बोलला म्हणून अल्पवयीन मुलावर चाकूने हल्ला केल्याची खळबळजनक घटना मुंबईतील अँटॉप हिल परिसरात घडली. हल्ल्याप्रकरणी अँटॉप हिल पोलिसांनी अल्पवयीन मुलासह त्याच्या मित्रावर गुन्हा दाखल केला आहे.

पीडित मुलाने आरोपीला जाड असे संबोधल्याने दोघांमध्ये वाद झाला होता. यानंतर पीडित मुलगा रात्रीच्या सुमारास एका बागेजवळ उभा असतानाच आरोपी मित्रासह तेथे आला. यावेळी पुन्हा त्यांच्यात भांडण झाले. भांडण विकोपाला गेले. यानंतर आरोपीच्या मित्राने पीडिताला पकडले आणि आरोपीने त्याच्यावर चाकूने हल्ला केला.

पीडित मुलाच्या छातीत गंभीर जखम झाली असून त्याच्यावर सायन येथील लोकमान्य टिळक रुग्णालयात रुग्णालयात उपचार सुरू आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.