Jammu Kashmir – कठुआमध्ये लष्कराच्या छावणीवर दहशतवाद्यांकडून गोळीबार, सर्च ऑपरेशन सुरू

प्रजासत्ताक दिनाच्या एक दिवस आधी जम्मू-काश्मीरमधील कठुआ जिल्ह्यात लष्कराच्या छावणीवर गोळीबार झाल्याची घटना समोर आली आहे. बिल्लावार परिसरातील भातोडी आणि मुआर भागात शुक्रवारी रात्री उशिरा दहशतवाद्यांनी लष्कराच्या छावणीवर गोळीबार केला. लष्करानेही या हल्ल्याला प्रत्युत्तर दिले. गोळीबाराच्या घटनेनंतर जवानांनी परिसराला घेराव घालता असून दहशतवाद्यांची शोध मोहीम सुरू आहे.

अधिकाऱ्यांनी सांगितले की, बटोद पंचायतमधील तात्पुरत्या लष्करी छावणीच्या संतरी चौकीवर मध्यरात्री 1.20 वाजता संशयास्पद दहशतवादी हालचाली आढळल्या. यानंतर दहशतवाद्यांनी गोळीबार सुरू केला.

गोळीबारानंतर सैन्यानेही प्रत्युत्तर दिले. दोन्ही बाजूंनी सुमारे अर्धा तास गोळीबार सुरू होता. सुदैवाने, या घटनेत कोणताही सैनिक जखमी झाल्याची माहिती नाही. गोळीबारानंतर दहशतवादी जंगलात पळून गेले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.