देशभरातील महत्त्वाच्या काही बातम्या

व्हॉट्सअॅप देणार इन्स्टाग्रामचा ‘फील’

व्हॉट्सअॅप आपल्या युजर्ससाठी एक भन्नाट फिचर घेऊन येतंय. व्हॉट्सअॅपवर इन्स्टाग्रामसारखे फिचर मिळणार आहे. लवकरच युजर्सना स्टेटस अपडेटमध्ये म्युझिक अॅड करण्याचा पर्याय मिळणार आहे. अगदी गाणेदेखील जोडता येईल. त्यामुळे युजर्सला इन्स्टाग्रामसारखा फील येईल. सध्या अँड्रॉईड युजर्ससाठी या फिचरची चाचणी सुरू आहे. लवकरच हे फिचर रोल आऊट होणार आहे. डब्ल्यूएबीटा इन्पह्च्या रिपोर्टनुसार, व्हॉट्सअॅप आता स्टेटस अपडेटसाठी म्युझिक फिचर आणू शकते. असं मानलं जातंय की, इन्स्टाग्रामसारखी म्युझिक लायब्ररी व्हॉट्सअॅपवर उपलब्ध करून देऊ शकते.

बिहारी बाबूच्या प्रेमात पडली अमेरिकन मॅडम

विदेशी तरुणीला देशी नवरदेव आवडला आणि ती चक्क विवाहासाठी हिंदुस्थानात पोचली. बिहारच्या छपरा येथे हा विशेष लग्नसोहळा रंगला. नवरदेव आणि अमेरिकन वधू या लग्नसोहळ्याला अमेरिकन वऱहाडी मंडळी घेऊन आली आणि एका लग्नाची चर्चा रंगली. 33 वर्षीय आनंद कुमार सिंह यांचा अमेरिकेत हॉटेल व्यवसाय आहे. त्या दरम्यान त्यांची साफिया सेंगर हिच्याशी भेट झाली. एकमेकांना समजून घेतल्यानंतर त्यांनी लग्नाचा निर्णय घेतला. 16 जानेवारी रोजी साफिया अमेरिकन मित्रांसोबत चंदउपुर गावात पोचली. 20 जानेवारी रोजी आनंद आणि साफिया दोघांनी हिंदू परंपरेने लग्न केले.

मोनालिसा भोसलेचे इन्स्टा फॉलोअर्स वाढले

महाकुंभमेळामध्ये रुद्राक्ष माळा विकणारी मोनालिसा भोसले ही तरुणी आपल्या नैसर्गिक सौंदर्यामुळे रातोरात प्रसिद्ध झाली आहे. देशभर प्रसिद्ध झाल्यानंतर तिचे इन्स्टाग्राम अकाऊंटवरील फॉलोअर्स अवघ्या आठवडय़ाभरात 1 लाख 70 हजारांवर पोहोचले आहे. महाकुंभमध्ये प्रसिद्ध झाल्यानंतर तिचे नाव अनेक जण गुगलवर सर्च करत आहेत. मोनालिसाच्या नावाने सोशल मीडियावर अनेक फेक अकाऊंटसुद्धा तयार झाले आहेत, परंतु तिचे ओरिजनल अकाऊंट @monibhasale8 आहे, असे तिच्या भावाने स्पष्ट केले आहे. महाकुंभमधील तिचे फोटो, व्हिडीओ सोशल मीडियावर प्रचंड प्रमाणात व्हायरल झाले आहेत.