बांगलादेशहून येऊन आरोपी गुन्हा करतो हे केंद्र सरकारचे अपयश, आदित्य ठाकरे यांची टीका

बांगलादेशहून येऊन आरोपी गुन्हा करतो हे केंद्र सरकारचे अपयश आहे अशी टीका शिवसेना (उद्धव बाळासाहेब ठाकरे) पक्षाचे आमदार, युवासेनाप्रमुख आदित्य ठाकरे यांनी केली आहे. तसेच देशात गेली 10 वर्ष भाजपचं सरकार असून पंतप्रधान मोदींनी यावर प्रतिक्रिया दिली पाहिजे असेही आदित्य ठाकरे म्हणाले.

अभिनेता सैफ अली खानवर हल्ला करणाऱ्या आरोपीला अटक करण्यात आली आहे. हा आरोपी मुळचा बांगलादेशचा असल्याचे समोर आले आहे. माध्यमांशी बोलताना आदित्य ठाकरे म्हणाले की, ही गंभीर बाब आहे. आरोपी बांगलादेशी आहे. हा जर रोहिंग्या असेल तर केंद्रीय गृहमंत्र्यांना प्रश्न विचारणे गरजेचे आहे. जर बांगलादेशहून आलेला व्यक्ती इथे गुन्हा करत असेल तर हे केंद्र सरकारचे अपयश आहे. गेल्या 10 वर्षांपासून केंद्रात भाजपचं सरकार आहे, आता तिसरी टर्म आहे. अशा प्रकारे दुसऱ्या देशातले लोक घुसखोरी करत असतील तर केंद्र सरकारची नेमकी जबाबदारी काय? ही बाब फार गंभीर असून यावर पंतप्रधान नरेंद्र मोदींनीही उत्तर देणे गरजेचे आहे असेही आदित्य ठाकरे म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.