रेडिओ सिटीवरील जाहिरातींसाठी सरकारकडून 44 कोटींचा चुराडा

मिंधे सरकारच्या राजवटीत प्रचार आणि प्रसिद्धीच्या नावाखाली हजारो कोटी रुपयांची उधळपट्टी केली गेली. 2024-25 या वर्षाकरिता केवळ एफएमवरील रेडिओ सिटीवरून करण्यात आलेल्या जाहिरातींवर तब्बल 44 कोटी रुपये खर्च होत आहेत. एकूण खर्चापैकी 60 टक्के म्हणजेच 26 कोटी 40 लाख रुपये इतका निधी आज वित्त विभागाने उपलब्ध करून दिला. त्यासंदर्भातील शासन निर्णय आज जारी करण्यात आला. यासंदर्भातील शासन निर्णय आज जारी करण्यात आला. रेडिओ सिटीची 2018-19 ची 22 कोटी 17 लाखांची थकबाकीही त्यातून देण्यात येणार आहे. मिंधे सरकारच्या काळात अनेक योजना जाहीर केल्या गेल्या. शासन आपल्या दारी, मुख्यमंत्री लाडकी बहीण योजना अशा योजनांची मोठय़ा प्रमाणात जाहिरात केली गेली. लाडकी बहीण योजनेची प्रसिद्धी प्रसारमाध्यमांबरोबरच एसटी बसेस, लोकल गाडय़ा, बसेस, बस स्थानकांवर केली गेली. त्या एका योजनेच्या जाहिरातीसाठी 270 कोटी 5 लाख रुपये मंजूर केले गेले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.