प्रसिद्ध अभिनेत्री कुनिका सदानंद यांनी नुकतीच दिलेली एक मुलाखत विशेष चर्चेत आली आहे. या मुलाखतीत त्या प्रसिद्ध गायक कुमार सानू यांच्यासोबतच्या अफेअरविषयी मोकळेपणे व्यक्त झाल्या. आरजे सिद्धार्थ कन्ननला दिलेल्या मुलाखतीत कुनिका यांनी त्यांच्या खासगी आयुष्याविषयी सांगितलं. कुनिका या अभिनेत्रीसोबतच वकील, गायिका, निर्मात्या, सामाजिक कार्यकर्त्या आणि व्यावसायिक आहेत. कुनिका यांनी वयाच्या 28 व्या वर्षी चित्रपटसृष्टीत पदार्पण केलं. आपल्या 25 वर्षांच्या कारकिर्दीत त्यांनी 110 चित्रपटांमध्ये भूमिका साकारल्या आहेत. कुनिका आणि कुमार सानू हे जवळपास पाच वर्षे एकमेकांसोबत रिलेशनशिपमध्ये होते. उटीमध्ये त्यांची पहिल्यांदा भेट झाली होती. त्यावेळी कुमार सानू हे त्यांच्या वैवाहिक आयुष्यात खुश नव्हते.
कुमार सानू यांनी सर्वांसोबत मद्यपान केलं आणि अचानक ते रडू लागले. इतकंच नव्हे तर त्यांनी हॉटेल रुमच्या खिडकीतून उडी मारण्याचाही प्रयत्न केला होता. “ते अचानक रडू लागले आणि त्यांनी हॉटेलच्या खिडकीतून उडी मारून जीव देण्याचा प्रयत्न केला. त्यावेळी ते नैराश्यात होते. आम्ही सर्वांनी त्यांना खूप समजावलं होतं”, असं कुनिका यांनी सांगितलं. या घटनेनंतर कुनिका आणि कुमार सानू यांच्यात जवळीक निर्माण झाली. मात्र पाच वर्षांच्या रिलेशनशिपनंतर त्यांनी ब्रेकअप केलं.
कुनिका यांनी खुलासा केला की उटीच्या ट्रिपनंतर कुमार सानू हे त्यांच्या पत्नीपासून वेगळे राहू लागले होते. ते घराजवळच्याच दुसऱ्या इमारतीत राहू लागले होते. यावेळी कुमार सानू आणि कुनिका एकमेकांसोबत विवाहित दाम्पत्यासारखेच राहत होते. तेव्हा आमचं नातं शकुंतला आणि दुष्यंतसारखं होतं, असं त्या म्हणाल्या.
कुनिका यांनी अभय कोठारीशी पहिलं लग्न केलं होतं. त्यावेळी त्या 16-17 वर्षांच्या होत्या. लग्नाच्या वर्षभरातच त्यांना मुलगा झाला होता. त्यांचं हे लग्न अवघे दोन अडीच वर्ष टिकलं. त्यानंतर मुलाचं पालकत्व मिळवण्यासाठी त्यांना आठ वर्षे लढावं लागलं होतं. अखेर त्यांच्या मुलाने वडिलांसोबत राहायचं ठरवलं होतं. कुनिका यांनी वयाच्या 35 व्या वर्षी विनय लालशी दुसरं लग्न केलं होतं. त्यांचं दुसरं लग्नही अपयशी ठरलं होतं. त्यानंतर त्या लिव्ह-इन रिलेशनशिपमध्येही राहिल्या होत्या.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List