स्टंटबाजी जीवावर बेतली, ट्रॅक्टर खड्ड्यात कोसळून तरुणाचा मृत्यू

तरुणाईचे नको ते धाडस कधी कधी त्यांनाच संकटात टाकते. अशीच एक घटना बुलंदशहरामध्ये समोर आली आहे. ट्रॅक्टरवर स्टंटबाजी करणे एका तरुणाच्या जीवावर बेतले आहे. दोन तरुण आपापल्या ट्रॅक्टरला रस्सी बांधून एकमेकांचे ट्रॅक्टर खेचत होते. यावेळी एका तरुणाचा ट्रॅक्टर खड्ड्यात कोसळून त्याचा मृत्यू झाला. तेजवीर असे मयत तरुणाचे नाव आहे. या घटनेचा व्हिडिओ सोशल मीडियावर व्हायरल झाला आहे.

ट्रॅक्टर चालक कालुआ आणि तेजवीर दोघेही एकमेकांचा ट्रॅक्टर पूर्ण ताकदीने ओढत होते. स्टंटदरम्यान ट्रॅक्टर चालक तेजवीरचा ट्रॅक्टर नियंत्रणाबाहेर गेला आणि खड्ड्यात उलटला. यात तेजवीरचा जागीच मृत्यू झाला.

अपघातानंतर मृताच्या कुटुंबीयांनी पोलिसांना माहिती न देता मृतदेहावर अंत्यसंस्कार केले. याप्रकरणी कालुआ नावाच्या दुसऱ्या व्यक्तीवर गुन्हा दाखल करण्यात आला असून पुढील कारवाई सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.