केरळमधील राष्ट्रीय स्वयंसेवक संघाच्या 9 स्वयंसेवकांना जन्मठेप

केरळच्या थलासरी न्यायालयाने राष्ट्रीय स्वयंसेवक संघाच्या नऊ स्वयंसेवकांना 19 वर्षांपूर्वीच्या हत्या प्रकरणात जन्मठेपेची शिक्षा सुनावली आहे. 3 ऑक्टोबर 2005 या दिवशी सीपीआय (एम) कार्यकर्ता रिजिथ शंकरन याची हत्या करण्यात आली होती. डाव्या विचारांचा असलेला रिजिथ त्याच्या मित्रांसोबत घरी जात असताना संघाच्या एका जमावाने हल्ला केला, ज्यात सगळे जण जखमी झाले. रिजिथला गंभीर दुखापत झाल्याने त्याचा मृत्यू झाला. हल्लेखोरांकडे शस्त्रs होती. या प्रकरणी सुधाकरन (57), जयेश (21), रणजीत (44), अजिंदरन (51), अनिलकुमार (52), राजेश (46), श्रीजीत (43), भास्करन (67) आणि श्रीकांत (47) या आरोपींना जन्मठेपेची शिक्षा ठोठावण्यात आली. एकूण 10 आरोपी होते, मात्र एकाचा रस्ते अपघातात मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.