म्हाडा आता घराचा ताबा दिल्यापासून मेंटेनन्स आकारणार

ज्या दिवशी घराचा ताबा विजेत्याने घेतला आहे त्या दिवसापासून त्याच्याकडून मेंटेनन्स आणि मालमत्ता कराची आकारणी करावी, असा महत्त्वपूर्ण निर्णय म्हाडाने घेतला आहे. या निर्णयाचा लाभ आगामी सोडतीतील विजेत्यांना मिळणार असून ज्या विजेत्यांनी यापूर्वी शुल्कांचा भरणा केला आहे त्यांना हा ठराव लागू होणार नाही. म्हाडामध्ये नुकत्याच आयोजित केलेल्या बैठकीत लॉटरीतील विखुरलेल्या घराच्या विजेत्यावर प्रकल्प उभारल्यापासून मासिक सेवाशुल्क, मालमत्ता कर आकारणी करणे योग्य नसल्याचे सांगत म्हाडाचे उपाध्यक्ष तथा मुख्य कार्यकारी अधिकारी संजीव जयस्वाल म्हणाले, सोडतीपश्चात काही कारणांमुळे विजेत्याला घराचा ताबा विलंबाने होतो. घराचा ताबा दिल्यानंतर घराचे प्रलंबित शुल्काची मागणी मंडळांमार्फत करण्यात येते. मात्र, घराचा ताबा देईपर्यंत सगरची मालमत्ता ही मंडळाची असते. त्यामुळे त्याचा भुर्दंड विजेत्यांवर पडू नये. विजेत्यांनी घराचा ताबा घेतला त्या दिवसापासून त्याला सेवाशुल्क, मालमत्ता कर इत्यादी लागू करावा, असा निर्णय या बैठकीत घेण्यात आला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.