ताज हॉटेलसमोर एकाच नंबर प्लेटच्या दोन गाड्या आढळल्या, मुंबई पोलिसांकडून तपास सुरू

ताज हॉटेलसमोर एकाच नंबर प्लेटच्या दोन कार आढळल्याने एकच खळबळ उडाली आहे. एका गाडीच्या मालकाने पोलिसांना याबाबत माहिती दिली. यानंतर कुलाबा पोलिसांनी तात्काळ घटनास्थळी दाखल होत दोन्ही ताब्यात घेतल्या. दोन्ही गाड्या कुलाबा पोलीस ठाण्यात आणत पुढील तपास सुरू केला आहे.

मिळालेल्या माहितीनुसार, सोमवारी दुपारी 1 वाजण्याच्या सुमारास या दोन्ही गाड्या ताज हॉटेलसमोर आढळून आल्या. दोन्ही गाड्या मारूती सुझुकी कंपनीच्या आहेत. दोन्ही गाड्यांवर MH01EE2388 अशी नंबर प्लेट लावण्यात आली आहे.

मूळ नोंदणी असलेल्या गाडी मालकाने कुलाबा पोलिसात याबाबत तक्रार दिली. यानंतर पोलिसांनी दोन्ही गाड्या ताब्यात घेतल्या. दुसरी गाडी कुणाची आहे? याबाबत पोलीस तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.