कुंभमेळ्यात स्फोट घडवून हजार हिंदूंना मारण्याची धमकी, ‘एक्स’वर लिहिले तुम्ही सगळे गुन्हेगार, अल्लाह इज ग्रेट

कुंभमेळ्यात बॉम्बस्फोट घडवण्याची धमकी नसर पठाण नावाच्या ‘एक्स’वरील आयडीवरून देण्यात आली आहे. तुम्ही सर्व गुन्हेगार असून महापुंभात बॉम्बस्पह्ट करून एक हजार हिंदूंना मारणार आहे. ‘अल्लाह इज ग्रेट’ असे ‘एक्स’च्या पोस्टमध्ये लिहिण्यात आले आहे. 31 डिसेंबर रोजी विपीन गौर नावाच्या तरुणाने डायल-112 यूपी पोलिसांना टॅग करत पोस्ट रीट्विट केली. स्क्रीन शॉटही शेअर केला. यानंतर पोलीस सक्रिय झाले असून कुंभमेळ्यासाठी पोलीस बंदोबस्त आणखी वाढवण्यात आला आहे.

पोलीस पोस्ट करणाऱया व्यक्तीचा शोध घेत असल्याची माहिती प्रयागराजचे पोलीस आयुक्त आणि सुरक्षा यंत्रणांनी दिली आहे. यापूर्वी खलिस्तान समर्थक दहशतवादी पन्नू याने कुंभमेळ्यावर हल्ला करण्याची धमकी दिली होती. 13 जानेवारीपासून कुंभमेळा सुरू होत असून सुमारे 50 कोटी लोक त्यात सहभागी होणार आहेत. दरम्यान, धमकी देणाऱया व्यक्तीने त्याच्या बायोमध्ये मला मुस्लिम असल्याचा अभिमान आहे. कट्टर मुस्लिम… आता पोलीस त्या क्रमांकाचा आणि ई-मेलचा तपशील घेत आहेत. ज्यावर हा आयडी बनवण्यात आला होता.

कडक सुरक्षा व्यवस्था तैनात

प्रयागराजच्या कुंभमेळ्याची औपचारिक सुरुवात 13 जानेवारी 2025 पासून होणार आहे. चार हजार हेक्टरमध्ये संपूर्ण जत्रा पसरलेली असून कुमंभमेळय़ाच्या सुरक्षेवर विशेष लक्ष केंद्रित करण्यात आले आहे. संपूर्ण मेळा 25 सेक्टरमध्ये विभागला गेला असून त्याआधारे एकूण 56 पोलीस ठाणी आणि 144 चेक पोस्ट तयार करण्यात आले आहेत. यात सिव्हिल पोलिसांची संख्या 18,479 असून 1 हजार 378 महिला पोलीस तैनात करण्यात येणार आहेत. सशस्त्र पोलिसांची संख्या 1158 असेल. वाहतूक शाखेत 230 पोलीस कर्मचारी तैनात आहेत. त्याचबरोबर 12 हजार 965 होमगार्डही तैनात करण्यात येणार आहेत.

ऑपरेशन कमांडरकडून पत्र जारी; सतर्क राहण्याच्या सूचना

याप्रकरणी लखनऊ येथील यूपी-112 मुख्यालयाचे ऑपरेशन कमांडर अरविंद कुमार नैन यांनी पत्र जारी केले आहे. त्यांनी लखनऊच्या पोलीस महासंचालकांना अधिसूचना दिली असून सतर्क राहण्याच्या सूचना केल्या आहेत. अतिरिक्त पोलीस महासंचालक कायदा आणि सुव्यवस्था, लखनऊ, अतिरिक्त पोलीस महासंचालक सुरक्षा, लखनऊ आणि अतिरिक्त पोलीस महासंचालक एटीएस, लखनऊ वरिष्ठ पोलीस अधीक्षक, जिल्हा कुंभ यांना पत्र पाठवून सतर्क बाळगण्याच्या सूचना करण्यात आल्या आहेत.