हाताला लागलेला रंग थिनरने साफ केला, मग विडी पेटवली; आग लागून तरुणाचा होरपळून मृत्यू

छोटीशी चूक किती महागात पडू शकते याचा प्रत्यय एका घटनेवरुनन आला आहे. एका चुकीमुळे पेंटरला आपला जीव गमवावा लागला आहे. रंगकाम झाल्यानंतर पेंटरने थिनरने हाताला लागलेला रंग साफ केला. यानंतर तात्काळ त्याने विडी पेटवली. मात्र विडी पेटवताच त्याच्या हाताला लावलेल्या आणि कपड्यांवरील थिनरमुळे आग भडकली आणि तो आगीत होरपळला.

मध्य प्रदेशातील भोपाळच्या शाहपुरा परिसरात ही घटना घडली. राजेश असे मयत पेंटरचे नाव आहे. तो पेशाने पेंटर होता. राजेशला विडी ओढण्याचे व्यसन होते. नेहमीप्रमाणे त्याने आपले रंगकाम पूर्ण केले. त्यानंतर त्याला विडीची तलप आल्याने त्याने विडी पेटवली.

विडी पेटवताच कपड्यांना लागलेल्या आणि हाताला लावलेल्या थिनरने पेट घेतला. यात गंभीर भाजलेल्या राजेशला तात्काळ रुग्णालयात नेण्यात आले. मात्र उपचारादरम्यान त्याचा मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.