मुंबईत पावसाचा शिडकावा; तापमानात वाढ

मागील दोन-तीन दिवसांपासून अरबी समुद्रातून प्रवाहित राहिलेल्या वाऱ्यांमुळे मुंबईच्या वातावरणात मोठा बदल झाला आहे. शुक्रवारी मध्यरात्री अचानक शहर व उपनगरांत अनेक ठिकाणी पावसाचा शिडकावा झाला. या अवकाळी पावसामुळे किमान तापमानात चार अंशांची वाढ झाली. दादर, भायखळा, लालबाग, परळ, वांद्रे, पवई, अंधेरी परिसरात पावसाचा शिडकावा झाला.

शहरात मागील तीन दिवसांपासून ढगाळ वातावरण होते. शुक्रवारी संपूर्ण दिवसभर सूर्यदर्शनही झाले नव्हते. तसेच हवेतील आर्द्रतेचे प्रमाण प्रचंड वाढले होते. त्यानंतर मध्यरात्री आणि शनिवारी पहाटेच्या सुमारास अनेक भागांत हलक्या पावसाची हजेरी लागली. या पावसामुळे थंडीची तीव्रता कमी झाली आणि सांताक्रुझमध्ये किमान तापमानात चार अंशांची वाढ होऊन ते 21 अंश इतके नोंद झाले. मात्र येत्या तीन-चार दिवसांत पुन्हा थंडीची तीव्रता वाढेल, असा अंदाज हवामान खात्याने वर्तवला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.