ज्युनिअर एनटीआरचा ‘देवरा’ चित्रपट जपानमध्ये प्रदर्शित होणार, तारीखही ठरली

दाक्षिणात्या चित्रपटसृष्टीने अवघ्या जगाला भुरळ घातली आहे. दाक्षिणात्य सिनेमांचे चाहते जगभरात आहेत. विशेषतः जपानमध्ये दाक्षिणात्य सिनेमांना अधिक पसंती दर्शवली आहे. ‘आरआरआर’ आणि ‘कल्कि 2898 एडी’ नंतर आता आणखी दाक्षिणात्य सिनेमा जपानमध्ये रिलिज होण्यासाठी सज्ज आहे. ज्युनिअर एनटीआर आणि जान्हवी कपूर यांची मुख्य भूमिका असलेला ‘देवरा: पार्ट 1’ या सिनेमाचा जपानमध्ये प्रिमिअर होणार आहे. सिनेमाच्या प्रदर्शनाची तारीखही घोषित करण्यात आली आहे.

चित्रपटाच्या निर्मात्यांनी एक्स वर एक पोस्ट शेअर केली आहे. ‘देवरा: पार्ट 1’ 28 मार्च 2025 रोजी जपानमधील सिनेमाघरांमध्ये प्रदर्शित होईल, असे निर्मात्यांनी पोस्टमध्ये म्हटले आहे. 3 जानेवारीपासून चित्रपटाची तिकिट विक्री सुरू होईल. देशात या सिनेमाने फारशी कमाई केली नाही. यामुळे जपानमध्ये चित्रपटाची जादू चालते का? याकडे सर्वांचे लक्ष लागले आहे.

‘देवरा: पार्ट 1’ 27 सप्टेंबर 2024 रोजी प्रदर्शित झाला होता. मात्र देशात हा चित्रपट फारशी गर्दी जमवू शकला नाही. चित्रपटाच्या निर्मितीसाठी 300 कोटी रुपये खर्च आला. मात्र बॉक्स ऑफिसवर चित्रपटाने केवळ 421.63 कोटी इतकीच कमाई केली. यामुळे जपानमध्ये तरी चित्रपट कमाई करणार याची उत्सुकता लागली आहे.