परतूर येथील बागेश्वरी साखर कारखान्यात सल्फर भट्टीचा स्फोट; दोन ठार

परतूर येथील बागेश्वरी साखर कारखान्यात सल्फर भट्टीचा स्फोट होऊन भट्टीवर काम करणारे दोन कर्मचारी जागीच ठार तर दोन कर्मचारी किरकोळ जखमी झाले आहेत. गुरुवारी सायंकाळी सहा वाजेच्या सुमारास ही घटना घडली आहे.

बागेश्वरी साखर कारखान्यात सायंकाळी सहाच्या सुमारास सल्फर भट्टीचा अचानक स्फोट झाला. भट्टीवर काम करणारे कर्मचारी सल्फटेशनमेन आबासाहेब शंकर पारखे (वय – 42, रा. सिरसगाव, ता. परतूर) आणि ज्यूस सुपरवायझर अशोक तेजराव देशमुख (वय – 56, रा. राहुरी, ता. सिंदखेडराजा, जि. बुलढाणा) हे दोघे जागीच ठार झाले. इतर दोन कर्मचारी किरकोळ जखमी झाले आहेत.

घटनेची माहिती मिळताच पोलीस निरीक्षक एम. टी. सुरवसे यांनी घटनास्थळी भेट दिली. जखमी कर्मचाऱ्यावर परतूर येथील ग्रामीण रुग्णालयात उपचार करण्यात आले. मयत कर्मचाऱ्यांचे शवविच्छेदन शुक्रवारी सकाळी करण्यात येणार असल्याची माहिती वैद्यकीय अधिकारी डॉ. डी. आर. नवल यांनी दिली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.