‘म्युच्युअल फंड सही है’ जाहिरातीविरुद्ध याचिका

म्युच्युअल फंड सही है’ असा दावा करणाऱया जाहिरातींवर कारवाई व्हावी, अशी मागणी करणारी जनहित याचिका उच्च न्यायालयात दाखल झाली आहे. जाहिरातींसाठी ‘असोसिएशन ऑफ म्युच्युअल फंड्स ऑफ इंडिया’ला दिलेली परवानगी रद्द करण्याबाबत सेबीला निर्देश देण्याची विनंती याचिकेतून केली आहे.

चार्टर्ड अकाऊंटंट चंद्रकांत शाह यांनी ही याचिका केली आहे. सेबीने नागरिकांना गुंतवणुकीचे महत्त्व पटवून देण्याचे काम ’असोसिएशन ऑफ म्युच्युअल फंड्स ऑफ इंडिया’वर सोपवली आहे. मात्र ही संघटना जबाबदारी योग्यप्रकारे निभावत नसल्याचे दिसतेय. संघटनेमार्फत केल्या जाणाऱया ‘म्युच्युअल फंड सही है’ यांसारख्या जाहिराती दिशाभूल करणाऱया आहेत, असा दावा याचिकेत केला आहे. मुख्य न्यायमूर्ती देवेंद्र कुमार उपाध्याय यांच्या खंडपीठाने याचिकेवर सेबी व असोसिएशन ऑफ म्युच्युअल फंड्स ऑफ इंडियाला नोटीस बजावली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.