वाढदिवसाची पार्टी जीवावर बेतली, अंधाधुंद गोळिबारात 2 तरुणांसह एका तरुणीचा मृत्यू

वाढदिवसाच्या पार्टीदरम्यान अंधाधुंद गोळीबार करण्यात आल्याची धक्कादायक घटना घडली आहे. या घटनेत तिघांचा जागीच मृत्यू झाला आहे. मृतांमध्ये दोन तरुण आणि एका तरुणीचा समावेश आहे. यामुळे शहरात खळबळ उडाली असून पोलिसांनी कारवाई सुरू केली आहे.

पोलिसांनी दिलेल्या माहितीनुसार, सदर घटना हरयाणामधील पंचकुला शहरामध्ये घडली आहे. पंचकुला शहरातील पिंजोर येथील हॉटेल सल्तनतमध्ये रात्री दोनच्या सुमारास गोळीबार करण्यात आला. हॉटेलच्या पार्किंगमध्ये तिघांवर गोळीबार करण्यात आला आहे. या गोळीबारात विनीत आणि विक्की या तरुणांचा मृत्यू झाला आहे. तसेच निया या तरुणीचाही मृत्यू झाला आहे. विक्की आणि विनीत हे दोघेही हिस्सारचे रहिवासी असून निया दिल्लीची रहिवासी असल्याची माहिती पोलिसांनी दिली आहे. याप्रकरणी पोलिसांनी गुन्हा दाखल केला असून तपासाला सुरुवात केली आहे. तसेच मृत्त विक्की याची गुन्हेगारी पार्श्वभुमी असल्याची माहिती, पंचकुलाचे सहाय्यक पोलीस आयुक्त अरविंद कंबोज यांनी दिली आहे. आज तक या वृत्तवाहिनीने यासंदर्भात वृत्त दिले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.