Khalistani Terrorists: पंजाबमधील वॉन्टेड खलिस्तानी दहशतवाद्यांशी यूपीत चकमक, पोलिसांच्या प्रत्त्युत्तरात तीन ठार

पंजाबमध्ये पुन्हा एकदा खलिस्तानचा प्रश्न गंभीर होत असून वॉन्टेड असलेले तीन खलिस्तानी दहशतवादी उत्तर प्रदेशातील पिलीभीतमध्ये उडालेल्या एका चकमकीत ठार झाल्याचे वृत्त आहे.

पंजाबमधील गुरुदासपूर जिल्ह्यातील पोलीस चौकीवर कथित हल्ला केल्याचा आरोप असलेले तीन खलिस्तानी दहशतवादी उत्तर प्रदेशातील पिलीभीत जिल्ह्यात लपल्याची माहिती पोलिसांना मिळाली होती. पोलिसांनी माहितीच्या आधारे संबंधित ठिकाणी धाड टाकली. यावेळी पोलिसांशी उडालेल्या चकमकीत तिन्ही दहशतवाद्यांना ठार करण्यात जवानांना यश आले आहे.

पोलिसांनी दिलेल्या माहितीनुसार, गुरविंदर सिंग, वीरेंद्र सिंग आणि जसनप्रीत सिंग असे आरोपी खलिस्तान कमांडो फोर्स नावाच्या प्रतिबंधित संघटनेशी संबंधित आहेत.

चकमकीनंतर पोलिसांनी त्यांच्या ताब्यातून दोन एके-47 रायफल आणि एक ग्लॉक पिस्तूलही जप्त केल्याची माहिती मिळते आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.