उज्जैनच्या महाकालेश्वर मंदिरात मोठी दुर्घटना, मशिनमध्ये ओढणी अडकल्याने महिलेचा मृत्यू

मध्य प्रदेशातील उज्जैनमध्ये एक भीषण घटना घडली आहे. महाकालेश्वर मंदिराच्या फूड सेंटरमध्ये बटाटे सोलण्याच्या मशिनमध्ये ओढणी अडकल्याने एका महिलेचा मृत्यू झाला. रजनी खत्री असे मयत महिलेचे नाव आहे. मयत महिलेच्या कुटुंबाला सरकार आर्थिक मदत करणार असल्याचे उपविभागीय दंडाधिकारी (एसडीएम) लक्ष्मी नारायण गर्ग यांनी सांगितले.

महाकालेश्वर मंदिराच्या फूड सेंटरमधील स्वयंपाकघरात पीडित रजनी काम करत होती. शनिवारी नेहमीप्रमाणे काम करत असताना रजनीच्या गळ्यातील ओढणी बटाटा सोलण्याच्या मशिनमध्ये अडकली. यामुळे तिचा गळा आवळला गेला. यानंतर तिला तात्काळ रुग्णालयात नेण्यात आले. मात्र डॉक्टरांनी तिला मृत घोषित केले. रजनीचा मृतदेह शवविच्छेदनासाठी पाठवण्यात आला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.