जिंदाल कंपनी वायुगळती प्रकरण : विद्यार्थ्यांची प्रकृती पुन्हा बिघडली; 12 जण रुग्णालयात

जिंदाल पोर्ट कंपनीत झालेल्या वायुगळतीमुळे बाधित झालेल्या विद्यार्थ्यांना जिल्हा रुग्णालयात उपचार करून घरी सोडण्यात आले होते.त्यापैकी 12 विद्यार्थ्यांची प्रकृती पुन्हा बिघडली. विद्यार्थ्यांना त्रास होऊ लागल्याने त्यांना खासगी रुग्णालयात दाखल करण्यात आले आहे.

12 डिसेंबर रोजी जिंदाल पोर्ट कंपनीत एलपीजी वायुगळती झाली.कंपनीच्या शेजारीच असलेल्या माध्यमिक विद्यामंदिर जयगड शाळेतील 68 विद्यार्थ्यांना त्रास झाला.विद्यार्थ्यांची प्रकृती बिघडल्याने त्यांना जिल्हा शासकीय रुग्णालयात दाखल करण्यात आले.दोन दिवसांनी या विद्यार्थ्यांना रुग्णालयातून डिस्चार्ज देण्यात आला.

उपचार घेऊन विद्यार्थी घरी परतल्यानंतर त्यांना पुन्हा त्रास होऊ लागला.काही विद्यार्थ्यांच्या छातीत दुखू लागले तर काहींच्या पोटात दुखत होते.अशा 12 विद्यार्थ्यांना पुन्हा खासगी रुग्णालयात दाखल करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.