बांगलादेशात हिंदू मंदिरावर हल्ले; 170 जणांवर गुन्हे दाखल, चार जणांना अटक

बांगलादेशातील तपास यंत्रणांनी हिंदू मंदिरे आणि घरांवर हल्ले केल्याप्रकरणी चार जणांना अटक केल्याचे वृत्त आहे. सुनमगंज जिह्यातील हिंदूंचे मंदिर आणि दुकानांची तोडफोड केल्याच्या आरोपाखाली ही कारवाई करण्यात आली. तर एकूण 170 जणांविरोधात गुन्हा दाखल करण्यात आला आहे.

3 डिसेंबर रोजी एका फेसबुक पोस्टमुळे सुनमगंज जिह्यात तणाव निर्माण झाला होता. त्यानंतर वाद उफाळून आल्याने पोस्ट हटवण्यात आली, परंतु या पोस्टचे स्क्रीन शॉट्स सोशल मीडियावर व्हायरल झाले. त्यामुळे या परिसरात हिंसाचार पसरला. हिंसाचारादरम्यान दंगलखोरांनी सुनमगंजमधील लोकनाथ मंदिर आणि हिंदूंच्या घरांची तोडफोड केली. हिंसाचारानंतर पोलिसांनी त्याच दिवशी फेसबुक पोस्टप्रकरणी आकाश दास याला ताब्यात घेतले. त्याला सुरक्षेच्या कारणास्तव जिल्हा मुख्यालयाच्या पोलीस ठाण्यात ठेवण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.