अखेर 46 वर्षांनंतर संभल येथील शिवमंदिर उघडले

उत्तर प्रदेशातील संभल येथील शिवमंदिर तब्बल 46 वर्षांनंतर उघडण्यात आले आहे. हे मंदिर एका बंद घरात सापडले. 1978 मध्ये येथे झालेल्या जातीय दंगलीनंतर हे घर बंद होते. दंगलीनंतर घराची विक्री झाली तेव्हापासून घर बंद असल्याचे जिल्हाधिकारी राजेंद्र पेन्सिया आणि पोलिसांनी सांगितले.

जिल्हा प्रशासनाने शाही जामा मशीद परिसरात अतिक्रमण आणि वीजचोरीविरोधात मोहीम राबवली असता शिवमंदिर उघडण्यात आले. मग मंदिराची स्वच्छता करण्यात आली. तसेच परिसरातील रस्ते व नाल्यांवरील अतिक्रमणे हटविण्याचे आदेश प्रशासनाने दिले आहेत. वीजचोरीविरोधातील मोहीम अधिक तीव्र करण्यात आली असून, विद्युत पथकांच्या सुरक्षेसाठी पोलिसांच्या दोन तुकड्या तैनात करण्यात आल्या आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.