Allu Arjun Arrest: ‘पुष्पा 2’ सिनेमाला बॉक्स ऑफिसवर यश मिळत आहे, तर दुसरीकडे अभिनेता अल्लू अर्जुन याच्या अडचणीत मोठी वाढ झाली आहे. अभिनेत्याच्या विरोधात निर्दोष हत्येचा गुन्हा दाखल करण्यात होता. याप्रकरणी आता अभिनेत्याला अटक देखील करण्यात आली आहे. संध्या थिएटरमधील चेंगराचेंगरीत एका महिलेचा मृत्यू झाला. तर महिलेच्या मुलाची प्रकृती गंभीर आहे…. याचप्रकरणी अभिनेत्याला अटक करण्यात आली आहे.
सध्या अभिनेत्याला अटक झाल्यानंतरचा व्हिडीओ तुफान व्हायरल होत आहे. व्हिडीओमध्ये काही पोलीस अधिकारी साध्या वेशात दिसत आहे आहेत. तर पोलीस दारात अटक करण्यासाठी आल्याने अभिनेत्याची पत्नी चिंतेत असल्याचं दिसत आहे. पण अल्लू अर्जुन याच्या चेहऱ्यावर कोणतीच खंत दिसून येत नाही. शिवाय अभिनेता व्हिडीओमध्ये चहा किंवा कॉफी पिताना देखील दिसत आहे.
झुकेगा नही साला…., अल्लू अर्जुनमुळे महिलाचा मृत्यू! पोलीस दारात येताच कशी होती अभिनेत्याची प्रतिक्रिया? व्हिडीओ व्हायरल pic.twitter.com/xeJbhDZHJb
सध्या सर्वत्र अल्लू अर्जुन याची चर्चा रंगली आहे. हैदराबादमध्ये 4 डिसेंबर रोजी ‘पुष्पा 2’ सिनमाच्या प्रदर्शनादरम्यान झालेल्या चेंगराचेंगरीत एका महिलेचा मृत्यू झाल्याप्रकरणी गुन्हा दाखल करण्यात आला आहे. अल्लू अर्जुन व्यतिरिक्त त्याच्या सुरक्षा एजन्सी आणि संध्या थिएटरवर गैरवर्तनाचा गुन्हा दाखल करण्यात आला आहे. याप्रकरणी आता पुढे काय होणार पाहणं महत्त्वाचं ठरणार आहे.
महिलेच्या पतीने अभिनेत्याला ठरवलं जबाबदार…
मृत महिलाचा पती मोगादमपल्ली भास्कर यांने अभिनेता अल्लू अर्जुन याला जबाबदार ठरवलं आहे. ‘अल्लू अर्जुन जर सांगून आला असता तर चेंगराचेंगरी झाली नसती. टीमने सांगितलं असतं तर, माझ्या पत्नीचं निधन झालं नसतं आणि माझ्या मुलाची प्रकृती चिंताजनक नसती… मुलगा अभिनेत्याचा चाहता आहे म्हणून सिनेमा पाहण्यासाठी गेलो…’ असं देखील महिलेचा पती म्हणाला आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List