आप्पासाहेब देशमुख यांना हायकोर्टाकडून जामीन मंजूर

सातारा जिह्यातील मायणी मेडिकल कॉलेजचे माजी संचालक आप्पासाहेब देशमुख यांना अखेर उच्च न्यायालयाने मंगळवारी जामीन मंजूर केला. आपल्याला राजकीय सूडभावनेतून ईडीच्या माध्यमातून अटक करण्यात आली, असा दावा करीत देशमुख यांनी जामीनासाठी उच्च न्यायालयात दाद मागितली होती. ते मागील 29 महिने तुरुंगात कैद होते. न्यायमूर्ती गौरी गोडसे यांच्या एकलपीठाने देशमुख यांना 3 लाख रुपयांच्या वैयक्तिक जातमुचलक्यावर तुरुंगातून सोडून देण्याचे आदेश दिले. पीएमएलएअंतर्गत खटला लवकर सुरू होण्याची शक्यता नसतानाही आप्पासाहेब देशमुख यांना दीर्घकाळ तुरुंगात ठेवले, असे निरीक्षण न्यायालयाने आदेशपत्रात नोंदवले. त्यामुळे या निर्णयाने राजकीय सूडभावनेने कारवाई करणाऱ्या ईडीला पुन्हा एकदा मोठा झटका बसला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.