दक्षिण कोरियाचे राष्ट्राध्यक्ष यून यांच्या कार्यालयावर पोलिसांचा छापा, देश सोडण्यास बंदी

दक्षिण कोरियाचे राष्ट्राध्यक्ष युन सुक येओल यांच्यावर मार्शल लॉ लावून बंडखोरी करण्याचा कट रचण्याचा आरोप आहे. ज्याचा दक्षिण कोरिया पोलीस तपास करत आहेत. यातच 9 डिसेंबर रोजी पोलिसांनी यून सुक येओल यांच्या कार्यालयावर छापा टाकला. बुधवारी पोलिसांनी सांगितले की, त्याच्याविरुद्ध सुरू असलेल्या गुन्ह्याच्या तपासासंदर्भात हा छापा टाकण्यात आला.

छापेमारीनंतर राष्ट्राध्यक्ष यून सुक येओल यांनाही देश सोडण्यास बंदी घालण्यात आली आहे. दक्षिण कोरियाच्या न्याय मंत्रालयाने याला दुजोरा दिला आहे. न्याय मंत्रालयाच्या म्हणण्यानुसार, राष्ट्राध्यक्ष युन सुक येओल यांच्यावरील आरोपांची चौकशी सुरू होईपर्यंत त्यांना देश सोडण्याची परवानगी नाही. मंत्रालयाचे म्हणणे आहे की, युन सुक येओलने 3 डिसेंबरच्या रात्री उशिरा मार्शल लॉ लादून देशाला अराजकतेत टाकले होते.

दरम्यान, विरोधकांनी राष्ट्राध्यक्ष यून सुक येओल, माजी संरक्षण मंत्री किम योंग ह्युंदाई आणि आठ अधिकाऱ्यांवर पोलिस तक्रार दाखल केली आहे. त्यांच्यावर बंडाचा भाग असल्याचा आरोप केला आहे. या तक्रारीच्या आधारे पोलिसांनी तपास सुरू केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.