वांद्र्यात जलवाहिनी फुटल्याने लाखो लिटर पाणी वाया

वांद्रे पश्चिम लकी हॉटेल येथे मध्यरात्री 2 वाजण्याच्या सुमारास 600 मिमी व्यासाची जलवाहिनी फुटून लाखो लिटर पाणी वाया गेल्याची घटना घडली. यामुळे परिसरातील रहिवाशांना आज अपुऱया पाणीपुरवठ्याचा सामना करावा लागला. स्वामी विवेकानंद रोडवर जंक्शनजवळ ही पाइपलाइन फुटली. त्यामुळे वांद्रे पश्चिम परिसरात पाणीपुरवठय़ावर परिणाम झाला. जलवाहिनी दुरुस्तीचे काम जल विभागाकडून हाती घेण्यात आले असून उद्या सकाळपर्यंत हे काम पूर्ण होईल, अशी माहिती जल विभागाकडून देण्यात आली. या भागातील पाणीपुरवठा सुरळीत करण्यासाठी वेरावली जलाशयातून आवश्यक पाणी घेऊन पुरवठा सुरळीत ठेवण्यात आल्याचे जल विभागाने स्पष्ट केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.