एसयूव्ही चालकाचे नियंत्रण सुटले, कार थेट ढाब्यात घुसली; तीन गंभीर जखमी

एसयूव्ही चालकाचे नियंत्रण सुटल्याने कार थेट ढाब्यात घुसल्याने अपघाताची घटना घडली. या अपघातात ढाब्यावर जेवण करत असलेले तीन जण गंभीर जखमी झाले. गुजरातमधील छोटा उदयपूरमध्ये मंगळवारी ही घटना घडली. ही सर्व घटना सीसीटीव्ही कॅमेऱ्यात कैद झाली आहे. हा व्हिडिओ सोशल मीडियावर व्हायरल होत आहे.

छोटा उदयरपूरमध्ये मंगळवारी दुपारी 1 वाजण्याच्या सुमारास एक एसयूव्ही कार चालकाचे नियंत्रण सुटले. यानंतर कार थेट रस्त्याच्या कडेला असलेल्या ‘यू अँड मी चिकन चायनीज’ ढाब्यामध्ये घुसली. यावेळी ढाब्यावर जेवण करत असलेले तिघे जण गंभीर जखमी झाले. जखमींना रुग्णालयात उपचारासाठी दाखल करण्यात आले असून याप्रकरणी अद्याप कोणतीही कारवाई करण्यात आली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.