हाथरसमध्ये भीषण अपघात, कंटेनर आणि मॅजिक वाहनाच्या धडकेत सात जणांचा मृत्यू

भरधाव कंटेनरने मॅजिक वाहनाला धडक दिल्याने भीषण अपघातात सात जणांचा मृत्यू झाला. तर सात जण गंभीर जखमी झाले आहेत. उत्तर प्रदेशातील हाथरस जिल्ह्यातील बरेली-मथुरा रोडवरील जैतपूर गावाजवळ ही घटना घडली. जखमींना तात्काळ रुग्णालात उपचारासाठी दाखल करण्यात आले.

मॅजिकमध्ये 20 जण बसले होते. हे सर्व कुमराई गावचे रहिवासी होते. सर्वजण एटा येथे एका कँसरग्रस्त नातेवाईकाला पहाण्यासाठी चालले होते. यादरम्यान बरेली-मथुरा रोडवरील जैतपूर गावाजवळ भरधाव कंटनेरने मॅजिक वाहनाला जोरदार धडक दिली. धडक इतकी भीषण होती की मॅजिक वाहन उलटून खड्ड्यात पडले. यात सहा जण जागीच ठार झाले.

अपघाताची माहिती मिळताच स्थानिक नागरिकांनी घटनास्थळी धाव घेत प्रवाशांना वाहनातून बाहेर काढले. जखमींना उपचारासाठी रुग्णालयात नेण्यात आले. तेथे उपचारादरम्यान एका महिलेचा मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.