RBI गव्हर्नरला किती मिळतो पगार आणि काय मिळतात सुविधा? जाणून घ्या

रिझर्व्ह बँक ऑफ इंडियाने संजय मल्होत्रा यांची नवे गव्हर्नर म्हणून नियुक्ती केली आहे. आता ते शक्तीकांत दास यांची जागा घेतील. ते राजस्थान केडरचे 1990 च्या बॅचचे आयएएस अधिकारी आहेत. संजय मल्होत्रा 11 डिसेंबर 2025 रोजी नवीन गव्हर्नर म्हणून पदभार स्वीकारतील.

रिझर्व्ह बँक ऑफ इंडियाचे नवे गव्हर्नर संजय मल्होत्रा यांनी आयआयटी-कानपूरमधून शिक्षण पूर्ण केले आहे. याशिवाय त्यांनी अमेरिकेच्या प्रिन्स्टन विद्यापीठातून सार्वजनिक धोरणात पदव्युत्तर पदवीही मिळवली आहे. त्यांनी महसूल सचिव म्हणूनही काम पाहिले आहे. तर त्यांनी आरईसीचे अध्यक्ष आणि व्यवस्थापकीय संचालकपदही भूषवले आहे.

किती मिळतो पगार?

रिझर्व्ह बँक ऑफ इंडियाच्या गव्हर्नरच्या पगाराबद्दल बोलायचे तर नवे गव्हर्नर संजय मल्होत्रा यांना अडीच लाख रुपये पगार मिळणार आहे. हा पगार देशाच्या पंतप्रधानांच्या पगारापेक्षा जास्त आहे. पगाराव्यतिरिक्त, आरबीआय गव्हर्नरला राहण्यासाठी घर तसेच केंद्र सरकारकडून कार आणि ड्रायव्हर, गृहोपयोगी आणि इतर अनेक सुविधा मिळतात.

दरम्यान, रिझर्व्ह बँक ऑफ इंडियाचे (RBI) नवे गव्हर्नर संजय मल्होत्रा ​​सध्या अर्थ मंत्रालयात महसूल सचिव म्हणून काम पाहत आहेत. तर याआधी ते वित्त मंत्रालयाच्या वित्तीय सेवा विभागात सचिव होते. संजय मल्होत्रा ​​यांना इकॉनॉमिक ॲडमिनिस्ट्रेशन, पब्लिक फायनान्स आणि एनर्जी रिफॉर्म या विषयांची चांगली जाण आहे. महसूल विभागातही त्यांनी महत्त्वाचे योगदान दिले आहे.