दोन कारची धडक होऊन भीषण अपघात, परिक्षेला चाललेल्या 4 विद्यार्थ्यांसह 7 जण ठार

दोन कार समोरासमोर धडकल्याने भीषण अपघाताची घटना गुजरातमधील जुनागढमध्ये घडली. या अपघातात परिक्षेसाठी चाललेल्या चार महाविद्यालयीन विद्यार्थ्यांसह सात जणांचा जागीच मृत्यू झाला आहे. जुनागड-वेरावळ महामार्गावर सोमवारी सकाळी 8 च्या सुमारास ही घटना घडली.

भांदुरी गावाजवळ अपघातग्रस्त कारपैकी एक कार अज्ञात कारणामुळे रस्त्याच्या कडेला उलटली आणि भरधाव वेगात दुभाजकावर आदळून विरुद्ध दिशेला गेली. यादरम्यान विरुद्ध दिशेने येणाऱ्या कारला पहिली कार धडकली, असे पोलीस उपअधीक्षक दिनेश कोडियातर यांनी सांगितले.

या अपघातात दोन्ही कारमधील सातही प्रवासी जागीच ठार झाले. एका कारमध्ये चार विद्यार्थ्यांसह पाच जण होते. तर दुसऱ्या कारमध्ये दोन जण होते. याप्रकरणी पोलीस अधिक तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.