चहापत्ती समजून कीटकनाशक टाकले, चहा पिताच एकाच कुटुंबातील तिघांचा मृत्यू

चहापत्ती समजून कीटकनाशक टाकलेली चहा प्यायल्याने एकाच कुटुंबातील तिघांचा मृत्यू झाला आहे. कुटुंबातील अन्य दोघांसह एका शेजाऱ्यावर रुग्णालयात उपचार सुरू आहेत. त्यांची प्रकृती चिंताजनक आहे. दरिया, चंदा आणि अक्षय अशी मयतांची नावे आहेत. राजस्थानमधील बांसवाडा जिल्ह्यात रविवारी ही घटना घडली.

कुटुंबातील एका सदस्यांनी सर्वांसाठी चहा बनवला. यासाठी त्यांचा एक शेजारी पण उपस्थित होता. चहा बनवताना चहापत्ती समजून चुकून कीटकनाशक टाकले. यानंतर कुटुंबातील सर्व सदस्यांसह शेजाऱ्याने चहा प्यायली.

चहा प्यायल्यानंतर सर्वांना फूड पॉईझनिंग झाले आणि उलट्या होऊ लागल्या. सर्वांना तात्काळ जिल्हा रुग्णालयात दाखल करण्यात आले. मात्र सासू दरिया, सून चंदा आणि नातू अक्षय यांचा उपचारादरम्यान मृत्यू झाला. तर सासरा, पती आणि शेजाऱ्यावर रुग्णालयात आयसीयूमध्ये उपचार सुरू आहेत. पोलीस प्रकरणाचा तपास सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.