अँटिलिया स्फोटके प्रकरण; वाझे हायकोर्टात

अँटिलिया स्फोटके प्रकरणात न्यायालयीन कोठडीत असलेल्या बडतर्फ पोलीस अधिकारी सचिन वाझेने अंतरिम जामिनासाठी उच्च न्यायालयात धाव घेतली आहे. त्याने यापूर्वी अटक बेकायदा असल्याचा दावा करीत हेबियस कॉर्पस याचिका दाखल केली आहे. त्या याचिकेवर निर्णय होईपर्यंत अंतरिम जामिनावर तुरुंगातून सुटका करा, अशी विनंती वाझेने केली आहे. त्याच्या वतीने अॅड. रौनक नाईक यांनी अर्ज केला आहे.

उद्योगपती मुकेश अंबानी यांच्या ‘अँटिलिया’ निवासस्थानाबाहेर जिलेटीनच्या कांडय़ा व इतर स्फोटके तसेच धमकीचे पत्र असलेली गाडी बेवारस स्थितीत आढळली होती. याप्रकरणी वाझेसह इतरांविरुद्ध गुन्हा दाखल करण्यात आला. नंतर राष्ट्रीय तपास यंत्रणेने (एनआयए) 13 मार्च 2021 रोजी वाझेला अटक केली. तेव्हापासून तो तळोजा तुरुंगात आहे. त्याच्या अंतरीम जामीन अर्जावर न्यायमूर्ती रेवती मोहिते-डेरे यांच्या नेतृत्वाखालील खंडपीठापुढे 15 जानेवारीला सुनावणी होणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.