महामानवाला अभिवादन करण्यासाठी अनुयायांची रीघ सुरूच; चैत्यभूमीवर हजारोंचा जनसमुदाय

भारतीय राज्यघटनेचे शिल्पकार डॉ. बाबासाहेब आंबेडकर यांना महापरिनिर्वाण दिनानिमित्त आजही हजारो अनुयायांनी चैत्यभूमीवर जाऊन अभिवादन केले. महामानवाला वंदन करण्यासाठी भीमसैनिकांची रीघ सुरूच होती.

6 डिसेंबर रोजी महामानव डॉ. बाबासाहेब आंबेडकर यांचा 68 वा महापरिनिर्वाण दिन झाला. देशाच्या कानाकोपऱयातून लाखो अनुयायांनी त्या दिवशी चैत्यभूमीवर येऊन बाबासाहेबांना अभिवादन केले, पण त्यानंतरही भीमसैनिकांचा चैत्यभूमीवर येण्याचा ओघ सुरूच आहे. आज सकाळपासून हजारोंच्या संख्येने वृद्ध, लहान मुले व तरुणांनी शिस्तीत रांगा लावून बाबासाहेबांना वंदन केले. मुंबईच नाही तर आजूबाजूच्या जिह्यातूनदेखील भीमसैनिक आले होते. आम्हाला 6 डिसेंबरला येता आले नाही त्यामुळे आम्ही आज आलो असे काही अनुयायी म्हणाले, तर 6 डिसेंबर रोजी गावा-खेडयातून, परराज्यातून मोठय़ा संख्येने अनुयायी आले होते. त्यामुळे त्यांना बाबासाहेबांना अभिवादन करताना अडथळा होऊ नये म्हणून आम्ही त्या दिवशी न येता आज आल्याचे मुंबईतील व आजूबाजूच्या परिसरातील भीमसैनिकांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.