आयकर विभागाकडून जप्त करण्यात आलेली मालमत्ता मुक्त, अजित पवारांना मोठा दिलासा

उपमुख्यमंत्री अजित पवार यांना आयकर विभागाकडून मोठा दिलासा मिळाला आहे. आयकर विभागाने अजित पवार यांची मालमत्ता जप्त केली होती. ही मालमत्ता मुक्त करण्यात आली आहे. दिल्ली ट्रिब्युनल कोर्टाने हा निर्णय दिला आहे.

आयकर विभागाने अजित पवार यांच्यांशी संबंधित निबोध ट्रेडिंग गुरु कमोडिटी, फायर पॉवर अ‍ॅग्री फार्म आणि स्पार्कलिंग सॉईल कंपनी संबंधीत मालमत्ता जप्त केली होती. फक्त अजित पवारच नाही तर त्यांचे पुत्र पार्थ पवार आणि पत्नी सुनेत्रा पवार यांच्यांशी संबंधितही मालमत्ता आयकर विभागाने जप्त केली होती. आता दिल्ली ट्रिब्युनल कोर्टाने आदेश दिल्यानंतर ही मालमत्ता मुक्त करण्यात आली आहे.

2023 साली अजित पवार आणि त्यांच्या कुटुंबीयांसंबंधित आयकर विभागाने ही मालमत्ता जप्त केली होती. ही कारवाई स्थगित करावी अशी याचिका अजित पवार आणि कुटुंबीयांनी कोर्टाकडे केली होती. आता दिल्लीच्या ट्रिब्युनल कोर्टाने ही मालमत्ता मुक्त करण्याचे आदेश दिले आहे. त्यामुळे अजित पवार यांच्यासोबतच पार्थ पवार आणि सुनेत्रा पवार यांना दिलासा मिळाला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.