हिंदुस्थान-बांगलादेश सीमेवर 1300 कोटी रुपयांचे सोने आणि चांदी जप्त, बीएसएफची कारवाई

बांगलादेशातील सध्याची परिस्थितीचा तस्कर मोठ्या प्रमाणात गैरफायदा घेत असून हिंदुस्थान-बांगलादेश सीमेवर सोन्या-चांदीच्या तस्करीत वाढ झाली आहे. बीएसएफने दिलेल्या आकडेवारीनुसार, यावर्षी 31 ऑक्टोबरपर्यंत अवघ्या 10 महिन्यांत 172.528 किलो सोने आणि सुमारे 178 किलो चांदी जप्त करण्यात आली आहे. जप्त केलेल्या सोन्या-चांदीची बाजारातील किंमत सुमारे 1300 कोटी रुपये इतकी आहे.

बांगलादेशात 5 ऑगस्ट नंतर निर्माण झालेल्या राजकीय अस्थिरतेचा फायदा तस्कर घेत आहेत. मात्र, बीएसएफच्या सतर्कतेमुळे तस्करांचा प्रयत्न अयशस्वी होत आहे. बीएसएफकडून विविध ठिकाणांहून सातत्याने सोन्या-चांदीची तस्करी पकडली जात आहेत.

11,886 किलो ड्रग्जही जप्त

बीएसएफने हिंदुस्थान-बांगलादेश सीमेवर सुमारे 11,866 किलो ड्रग्ज जप्त केले. यासह सीमेवरून 32,65,700 रुपयांचे बनावट चलनही जप्त करण्यात आले आहे. अंमली पदार्थ, सोने-चांदी आणि बनावट नोटांच्या तस्करीप्रकरणी बीएसएफने आतापर्यंत 4168 जणांना अटक केली आहे. गेल्या वर्षीपेक्षा यंदा सोन्याची तस्करी वाढली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.