जाहिरातीत बाळासाहेबांचा फोटो का नाही हे विचारण्याची शिंदेंची हिंमत नाही! – संजय राऊत

एकनाथ शिंदे यांनी हिंदुहृदयसम्राट बाळासाहेब ठाकरे यांचे स्मरण करून उपमुख्यमंत्रीपदाची शपथ घेतली त्यावरून शिवसेना नेते-खासदार संजय राऊत यांनी भाजपवर शरसंधान केले आहे. संजय राऊत यांनी एक्सवर शपथविधीची एक जाहिरात पोस्ट केली आहे आणि त्यावरून शिंदे यांच्यावर टीका केली आहे. ‘‘एकनाथ शिंदे ऊठसूट शिवसेनाप्रमुख बाळासाहेब ठाकरे यांचे नाव वापरतात, पण या प्रमुख जाहिरातीत साहेबांचा फोटो का नाही? हे विचारण्याची हिंमत नाही,’’ असे संजय राऊत यांनी नमूद केले आहे.

नव्या सरकारच्या शपथविधी सोहळय़ाचा मोठा तामझाम भारतीय जनता पक्षाने केला होता. मोठमोठय़ा जाहिराती केल्या गेल्या होत्या. त्यावर महापुरुषांचे फोटो होते. पंतप्रधान नरेंद्र मोदी, पेंद्रीय गृहमंत्री अमित शहा, भाजपाध्यक्ष जे. पी. नड्डा यांचे फोटो होते, परंतु हिंदुहृदयसम्राट शिवसेनाप्रमुख बाळासाहेब ठाकरे यांचा फोटो नव्हता. त्यावरून शिवसेनाप्रेमींमध्ये संताप व्यक्त होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.