वर्षभरात रस्ते अपघातात 1 लाख 68 हजार जण दगावले

एका वर्षात रस्ते अपघातात देशभरातील एकूण 1 लाख 68 हजार जणांचा मृत्यू झाला असल्याची माहिती केंद्रीय रस्ते वाहतूक मंत्री नितीन गडकरी यांनी लोकसभेत दिली. 2018 ते 2022 या काळात 7 लाख 77 हजार 423 लोकांना रस्ते अपघातात आपला जीव गमवावा लागला. 2022 मध्ये एकूण 4 लाख 61 हजार 312 अपघात झाले आहेत. अन्य एका प्रश्नाचे उत्तर देताना दिल्ली-मुंबई द्रुतगती महामार्गाच्या बांधकामात आढळलेल्या त्रुटींसाठी गडकरी यांनी चार कंत्राटदारांना जबाबदार धरले. तसेच 2022 मध्ये अपघातात मृत्यू होणाऱ्यांची संख्या सर्वाधिक असून या वर्षात अपघातात जखमी होणाऱ्यांची संख्या 4 लाख 43 हजार 366 एवढी आहे. अनेक प्रयत्न करूनही एका वर्षात 1.68 लाख मृत्यू झाले हे सांगताना दुःख होते. मृतांमध्ये 60 टक्के तरुण-तरुणींचा समावेश असल्याचेही गडकरी यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.