Baba Siddique Murder Case – मुख्य आरोपीसह 8 जणांना MCOCA कोर्टाने सुनावली 7 तारखेपर्यंत पोलीस कोठडी

माजी आमदार आणि अजित पवार गटाचे नेते बाबा सिद्दीकी यांची पुत्र झिशान सिद्दीकी यांच्या कार्यालयाबाहेर गोळी झाडून हत्या करण्यात आली होती. याप्रकरणी मंगळवारी मुंबईतील मोक्का कोर्टमध्ये सुनावणी पार पडली. कोर्टाने मुख्य आरोपी गौतमसह 8 आरोपींना 7 डिसेंबर पर्यंत पोलीस कोठडी सुनावली आहे.

बाबा सिद्दीकी यांच्या हत्या प्रकरणातील 26 आरोपींना पोलिसांनी देशाच्या कानाकोपऱ्यातून ताब्यात घेतले आहे. सर्व आरोपींना यापूर्वी न्यायदंडाधिकारी न्यायालयाने न्यायलयीन कोठडी सुनावली होती. परंतु 30 नोव्हेंबर रोजी पोलिसांनी या सर्व आरोपींविरुद्ध मोक्काच्या तरतुदी लागू केल्या होत्या. त्यानंतर सर्व आरोपींना मंगळवारी विशेष न्यायालयात हजर करण्यात आले होते. तसेच या प्रकरणाचा अधिक तपास करण्यासाठी पोलिसांनी मुख्य आरोपी गौतमसह 8 आरोपींची पोलीस कोठडी मागितली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.