विंडीजसमोर 287 धावांचे जबरदस्त आव्हान

जाकेर अलीच्या तडाखेबंद 91 धावांच्या खेळीच्या जोरावर बांगलादेशने दुसऱ्या डावात 268 अशी दमदार मजल मारत यजमान वेस्ट इंडीजसमोर कसोटी विजयासाठी 287 धावांचे जबरदस्त आव्हान उभारले आहे. विंडीजने चौथ्या दिवशी उपाहारापर्यंत 1 बाद 23 अशी मजल मारली आहे. पहिल्या कसोटीत वेस्ट इंडीजने बाजी मारली होती, तर दुसरी कसोटी जिंकून बांगलादेशला मालिका बरोबरीत सोडविण्याची नामी संधी आहे.

पहिल्या डावात बांगलादेशचा डाव 164 धावांत आटोपला होता. त्यानंतर नाहिद राणाने 61 धावांत 5 विकेट घेत विंडीजचा 146 धावांतच फडशा पाडत 18 धावांची माफक आघाडी घेतली होती. मग दुसऱ्या डावात त्यांनी जाकेर अलीसह शादमन इस्लाम (46) आणि कर्णधार मेहदी हसन मिराजच्या (42) खेळामुळे सर्वबाद 268 अशी धावसंख्या उभारत कसोटीवर आपली पकड मजबूत केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.