Jammu Kashmir – जम्मू-काश्मीरमधील दाचीग्राममध्ये चकमक, लष्कर-ए-तैयबाचा एक दहशतवादी ठार

जम्मू-काश्मीर पोलीस आणि सीआरपीएफ जवानांमध्ये झालेल्या चकमकीत लष्कर-ए-तैयबा (LeT) शी संबंधित एका दहशतवाद्याचा खात्मा करण्यात आला. जम्मू-काश्मीरमधील दाचीग्राम भागात मंगळवारी ही चकमक झाली. जुनैद अहमद भट असे ठार झालेल्या स्थानिक लष्कर कमांडरचे नाव आहे.

जुनैदचा गगनगीर, गंदरबल आणि इतर अनेक दहशतवादी हल्ल्यांदरम्यान नागरिकांच्या हत्येमध्ये सहभाग असल्याचे काश्मीर पोलिसांनी एका निवेदनात म्हटले आहे.

गुप्त माहितीच्या आधारे जम्मू काश्मीर पोलीस आणि सीआरपीएफ पथकाने परिसरात शोध मोहिम सुरु केली. या मोहिमेदरम्यान दहशतवादी आणि सुरक्षा दलामध्ये चकमक झाली. या चकमकीत जुनैद भट याला सुरक्षा दलाने कंठस्नान घातले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.