दिल्लीत प्रदूषणाचा मजुरांना फटका, भरपाई देण्याचे सर्वोच्च न्यायालयाचे आदेश

दिल्लीतील वाढत्या प्रदूषणाचा कामगारांनादेखील फटका बसत आहे. या प्रकरणी सर्वोच्च न्यायालयात झालेल्या सुनावणीत न्यायालयाने निर्बंध कमी होणार नसल्याचे स्पष्ट केले. याचवेळी कामगारांना भरपाई देण्याचे आदेश न्यायालयाने दिले.

दिल्ली-एनसीआरमधील निर्बंध 5 डिसेंबरपर्यंत वाढवण्यात आले आहेत. न्यायमूर्ती अभय ओक आणि न्या. ऑगस्टीन जॉर्ज मसिह यांच्या खंडपीठाने निर्णय देताना म्हटले की, 5 डिसेंबरपर्यंत एक्यूआय पातळी कमी झाली तरच जीआरएपी-आयवी निर्बंध शिथिल होतील. याशिवाय बांधकाम मजुरांना निर्बंध लागू झाल्यानंतर किती भरपाई मिळाली याची माहिती घेण्यासाठी न्यायालयाने एनसीआरमधील दिल्ली, राजस्थान, पंजाब आणि उत्तर प्रदेश या राज्यांच्या मुख्य सचिवांना 5 डिसेंबरला व्हिडीओ कॉन्फरन्सिंगद्वारे उपस्थित राहण्याचे आदेश दिले आहेत.

जीरएपी-आयवीअंतर्गत येणाऱ्या परिसरात बांधकाम आणि विकासकामांवर बंदी आहे. त्यामुळे काम बंदचा फटका कामगारांना बसत असून त्यांचे खूप आर्थिक नुकसान होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.