LPG Cylinder Price Hike: महागाईचा चटका, LPG गॅस महागला

डिसेंबर महिन्याच्या पहिल्याच दिवशी गॅस सिलिंडरचे नवीन दर जाहीर करण्यात आले आहेत. तेल कंपन्यांनी व्यावसायिक गॅस सिलिंडरच्या दरात आजपासून मोठी वाढ केली आहे. त्यामुळे गॅस सिलिंडरचे नवीन दर आजपासून लागू होणार आहेत. या दरानुसार, 19 किलो व्यावसायिक गॅस सिलिंडर 18 रुपयांनी महागला आहे. त्यामुळे देशभरातील छोट्या-मोठ्या व्यावसायिकांना याचा फटका बसणार असून याची झळ सर्वसामान्यांनाही बसणार आहे. याआधी नोव्हेंबरच्या एक तारीखला सिलिंडरचा दर वाढवला होता.

डिसेंबरच्या 1 तारीखला एलपीजी सिलिंडरच्या किमतीत झालेल्या बदलांवर नजर टाकली तर 10 किलोच्या व्यावसायिक गॅस सिलिंडरच्या किमती दिल्लीपासून मुंबईपर्यंत आणि कोलकातापासून चेन्नईपर्यंत वाढल्या आहेत. 1 डिसेंबर रोजी मुंबईतील एलपीजी 19 किलोच्या सिलिंडरची किंमत 1754.50 रुपये होती, जी आता 1771 रुपये झाली आहे. तर देशाची राजधानी दिल्लीत 19 किलो एलपीजी सिलेंडरची किंमत 1818.50 रुपये झाली आहे, जी आतापर्यंत 1802 रुपयांना मिळत होती. हा व्यावसायिक सिलेंडर आता कोलकातामध्ये 1927 रुपयांचा जो 1 नोव्हेंबरच्या वाढीनंतर 1911.50 रुपयांना विकला जात होता. याशिवाय, आतापर्यंत हे सिलेंडर चेन्नईमध्ये 1964.50 रुपयांना मिळत होते, जे आता 1980.50 रुपये झाले आहे.

घरगुती एलपीजी गॅस सिलिंडरची किंमत स्थिर

19 किलोच्या व्यावसायिक गॅस सिलिंडरच्या किमतीत वाढ झाली आहे, मात्र 14 किलोच्या घरगुती एलपीजी सिलिंडरच्या किमतीत कोणताही बदल झालेला नाही. याच्या किमती 1 डिसेंबरलाही स्थिर ठेवण्यात आल्या आहेत आणि 1 ऑगस्ट 2024 रोजी त्याच दरात उपलब्ध आहेत. त्याची किंमत मुंबईत 802.50 रुपये, दिल्लीत 803 रुपये, कोलकात्यात 829 रुपये आणि चेन्नईमध्ये 818.50 रुपये अशी कायम आहे.