ईडीने पॉर्नोग्राफी आणि अश्लील सिनेमांचं प्रसारण संबंधी मनी लॉन्ड्रिंग प्रकरणी बॉलिवूड अभिनेत्री शिल्पा शेट्टी हिचा पती आणि उद्योजक राज कुंद्रा याला समन्स जारी केली आहे. राज कुंद्रा याची संबंधित प्रकरणी याच आठवड्यात चौकशी होणार आहे. ईडीने मुंबई आणि उत्तर प्रदेशातील 49 वर्षीय कुंद्रा आणि इतर काही व्यक्तींच्या घरे आणि कार्यालयांसह सुमारे 15 ठिकाणी छापे टाकल्यानंतर हे समन्स जारी करण्यात आलं.
याप्रकरणात सामिल असलेल्या अन्ये लोकांना देखील ईडीने समन्स जारी करत चौकशीसाठी मुंबई कार्यालयात बोलावलं आहे. राज कुंद्रा याला सोमवारी 11 वाजता चौकशीसाठी बोलावण्यात आलं आहे. दरम्यान, राज कुंद्राचे वकील प्रशांत पाटील यांनी दिलेल्या माहितीनुसार, ‘माझ्या क्लायंटची काही चूक नाही. मी अद्याप माझ्या क्लायंटसोबत चर्चा केलेली नाही. पण मी तुम्हाला सांगू शकतो माझ्या क्लायंटची चुकी नाही. मुंबई पोलिसांच्या चार्जशी पाहिली तर राज कुंद्राचे व्यवहार कायदेशीर आहेत. त्याने कर भरला आहे. मी खात्रीने सांगू शकतो की राज कुंद्राने मनी लाँड्रिंगसारखा कोणताही गुन्हा केलेला नाही. ‘
राज कुंद्रा याला अटक आणि जामिन
मनी लाँड्रिंग प्रकरण हे मुंबई पोलिसांनी राज कुंद्रा आणि इतरांविरुद्ध मे 2022 मध्ये दाखल केलेल्या किमान दोन एफआयआर आणि आरोपपत्रांवरून उद्भवले आहे. याप्रकरणी राज कुंद्रा आणि इतर आरोपींना देखील अटक करण्यात आली होती. त्यानंतर सर्वांची जामिनावर सूटका झाली. यंदाच्या वर्षाच्या सुरुवातीला ईडीने क्रिप्टो करन्सी प्रकरणात राज कुंद्रा आणि शिल्पा शेट्टी यांची 98 कोटी रुपयांची मालमत्ता जप्त केली होती. मात्र, त्यांना मुंबई उच्च न्यायालयाकडून मालमत्ता जप्तीच्या विरोधात दिलासा मिळाला आहे.
मुंबई पोलिसांकडे माझ्या विरोधात पुरावे नाहीत – राज कुंद्रा
राज कुंद्रा याने 2021 मध्ये मुंबईतील स्थानिक न्यायालयात सांगितलं होतं की, ‘पॉर्न फिल्म रॅकेटमध्ये वापरण्यात आलेल्या ‘हॉटशॉट्स’ ॲपला कायद्यानुसार कोणत्याही गुन्ह्याशी जोडण्यासाठी मुंबई पोलिसांकडे माझ्या विरोधात पुरावे नाहीत.’ असं राज कुंद्रा म्हणाला होता. आता पुन्हा याप्रकरणी शिल्पा शेट्टीचा नवरा वादाच्या भोवऱ्यात अडकला आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List