विधानसभा निवडणुकीचा निकाल लागून 9 दिवस उलटले तरी अद्याप महाराष्ट्रात नवीन सरकार बसलेले नाही. एकीकडे सत्तास्थापनेवरून महायुतीत साठमारी सुरू असताना दुसरीकडे शिवसेना (उद्धव बाळासाहेब ठाकरे) पक्षाचे नेते, युवासेनाप्रमुख, आमदार आदित्य ठाकरे मैदानात उतरले आहेत. आदित्य ठाकरे यांनी शुक्रवारी वरळी विधानसभा मतदारसंघाचा दौरा करत शिवसेना शाखांमध्ये पदाधिकाऱ्यांच्या भेटी घेतल्या. वरळीतील जरी माता मंदिरात जाऊन आदित्य ठाकरे यांनी दर्शन घेतले. यावेळी त्यांनी माध्यमांशीही संवाद साधला.
जनतेचे आणि जरी मातेचे दर्शन घेऊन आम्ही परत मैदानात उतरलो आहोत, असे आदित्य ठाकरे म्हणाले. निकाल लागल्यानंतर मुख्यमंत्रीपदासाठी अनेक नावे चर्चेत असून याबाबत विचारले असता ते म्हणाले की, ही नावे आपल्याच माध्यमातून कळत आहेत. मात्र त्यावर बोलून उपयोग नाही. आम्ही आमच्या कामाला लागलो असून पुन्हा एकदा जनतेत येऊन जनतेची सेवा करत आहोत.
.jpeg)
Comment List