एस. एस. राजामौली दिग्दर्शित ‘बाहुबली: द बिगनिंग’ आणि ‘बाहुबली: द कन्क्लुजन’ या दोन्ही चित्रपटांनी बॉक्स ऑफिसवर अक्षरश: धुमाकूळ घातला होता. या दोन्ही चित्रपटांनी जबरदस्त कमाई केली होती. यातील प्रत्येक भूमिकेनं प्रेक्षकांची मनं जिंकली होती. ‘बाहुबली’मध्ये कुमार वर्माची भूमिका साकारणारा अभिनेता सुब्बाराजू याने वयाच्या 47 व्या वर्षी लग्नगाठ बांधत आयुष्याची नवी सुरुवात केली आहे. सुब्बाराजूने ‘बाहुबली’, ‘पोकिरी’, ‘मिर्ची’ यांसारख्या दाक्षिणात्या चित्रपटांमध्ये काम केलंय. लग्नानंतर त्याने सोशल मीडियावर पत्नीसोबतचा फोटो पोस्ट करत चाहत्यांना आनंदाची बातमी सांगितली आहे.
सुब्बाराजूने त्याच्या सोशल मीडिया अकाऊंटवर लग्नाचा फोटो पोस्ट केला आहे. ‘अखेर लग्नगाठ बांधली’, असं कॅप्शन त्याने या फोटोला दिलं आहे. या फोटोमध्ये सुब्बाराजू त्याच्या पत्नीसोबत वरवधूच्या पोशाखातच समुद्रकिनारी उभा असल्याचं पहायला मिळतंय. लग्नासाठी दोघांनीही दाक्षिणात्य पोशाख परिधान केला असून गॉगल लावून त्यांनी ही खास पोझ दिली आहे.
सुब्बाराजू हा आंध्र प्रदेशातील भीमावरम इथला आहे. सिनेसृष्टीत त्याने अनेक दमदार भूमिका साकारून आपली वेगळी ओळख निर्माण केली आहे. दिग्दर्शक कृष्णा वामसी यांच्या ‘खडगम’ या चित्रपटातून त्याने करिअरची सुरुवात केली. 2003 मध्ये ‘अम्मा नाना ओ तमिला अम्माई’ या चित्रपटामुळे तो प्रकाशझोतात आला होता. यामध्ये त्याने रवी तेजा आणि असीनसोबत काम केलं होतं. याशिवाय त्याने ‘आर्या’, ‘पोकिरी’, ‘बिल्ला’, ‘खलेजा’, ‘गीता गोविंदम’, ‘मजिली’ यांसारख्या चित्रपटांमध्ये भूमिका साकारल्या आहेत.
सुब्बाराजूने काही तमिळ, मल्याळम आणि हिंदी चित्रपटांमध्येही काम केलंय. ‘बुड्ढा होगा तेरा बाप’, ‘ या हिंदी चित्रपटात त्याने भूमिका साकारली होती. सुब्बाराजू हा ‘बाहुबली’मधील त्याच्या कुमार वर्माच्या भूमिकेसाठी जपानमध्ये प्रचंड लोकप्रिय आहे. त्याच्या भूमिकेला जपानी प्रेक्षकांकडून चांगलीच पसंती मिळाली.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List